Hawa yoo nyngkong ya u Wailad ym yoo hoi tangwa manda khait ya u soh toh uwa thiang: Prestone

U Symbood Montri Rangbah ka jylla, uwa man leh kam u National Vice President ka NPP, u Prestone Tynsong hawa e yei klam ha ka yalang paidbah ka NPP wa da pynman ha madan Jrisaleiñ, Jowai da ong u wa hawa pait yei dap ka madan da jop bait na waroh 7 tylli ki Constituency ka Ri-loom Jaiñtia.

Da ong u wa i tooid ki paidbah kat chawa lai pynman yalang ka Party toh kawa da yoo phylla hadooh kattæ kattæ. Hawa kyruiñ kynmoo u ya u snem 1972 heiwa kiwa yaleh chitom wow yoh ya ka Hill State hapoh i pyrtuid wa ka lama ka APHLC, ki paidbah ka Meghalaya da pynjop ko ya ki na 32 tylli ki Constituency na ka 60 tylli wei ha kani ka kynti u wanrah ya ini i jooh 50 snem thij deiwa pynjop ki paidbah hadooh 32-35 ngut ya ka NPP.

Da ong u wa i daw hi toh wa joor kiwa beiñ kiwa klam kut jait ha ki Social Media kiwa da dro dur bula ya u Prestone wa u Conrad wei kamjooh ya u Sniawbhalang, kamtæ da ong u ya kitu kiwa im ha ka Social Media wow kylla wamut noh neibhah i por dang em i.

Heiyatoh wa ka Election MLA ha Jowai Constituency, da ong u wa da khyrngiat wow sñiaw wa ki bru ong ki i yaleh toh u Wailad wa u kyrtong ka TMC neidaw wa da khut u ya u rangbah uwa da chong ngiah uwa da ong wa neibynta i burom yong oo pynjop na ka TMC, uwa i doh i snaam u toh na ka Congress wei uwa da chong ngiah leh na ka Congress tangwa ym tip wa da psiah u cha ka TMC.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa ka Jowai Constituency waroh chi kattu da yoh MLA ko da kiwa tang ya ka Phone leh ym rap wei neiwon u yoh MLA kam u Wailad uwa sñiawkhian uwa hawa yap wa kjut leh da emlang bait chirup, lada ong phi lai lum sarok leh da lai lang u.

“Nachwa hawa jop nyngkong hawa pait yei dur ym yoo hoi neidaw wa joor rakhoh wei da pynpyrkhat kammon ma-ai uni u bru, ileh ki Jowai kiwa biej mo tangwa manda kut u 2018-2019 u soh u da uwa thiang wei manda khait chooh chooh dang thiang dang thiang, neiwon u yoh phi uwa chakri kam uni,” da ong u Prestone.

Chooh chooh da ong u wa i maya ya oo katni ym du cha kap sor tangwa wot ka sor Jowai kiwa da sñiawthooh wa emkaam ya uni u khynroo deiwa kyrpaad ya ki paidbah wym pu toh u chah u chong kurim u ha u 2023 yow chakri paidbah u hadooh wa tymmen.

Ha iwi won i liang da klam u chaphang iwa ong ki bru wa em kam kattæ ka High Level Committee, kamtæ da ong u wa lada em toh wow e da ka FIR yow kem ya u Chairman lane u Secretary lada em kam kitæ.