Ka Dkhiah West Trekking and Adventure Enthusiasts (DWTAE) East Jaiñtia Hills, ha ka 23 tarik uni u bnai sa chisien da pynman ko ya i lai kaap kjat (Trekking) cha Moriap Umkyrpong wot hapyrdi i pynthut u slap.
Chwa wow sdang da yoh i klam pdiangburom wa i klam phang ya ka mat yong ka Trekking na u Dr. R. Phawa wa i klam sneiñ kyntu na u Sambun Phawa.
Ini i kaap kjap kjat toh kawa pynman man-u-snem nadooh u 2017 heiwa ki khon khynroo khyllood yong ka chnong da wan chimbynta ki kamjooh wot ki khynroo na kiwi ki chnong kam na Jalyiah, Iogkaluh, Dkhiah East, Moolamanoh wa nadooh na Mairang leh da wan ki.
Ini i kaap kjat toh wow booddien ya ki dienkjat ki waheh warim wa maya ya ka mariang wa ka pateiñ leh emkaam ko u sumaar ya ka neibhah na ka im ja kpoh wei riñ mynsien ki bru.
Nadooh Dkhiah West da lai lyngba ka chnong Narwan Tympiahkhasu, Jalaphet, Kyrluh, Mynthlu, Samasi hadooh Moriap Umkyrpong.
Manda poi thaw da pdiang sñiawbha ya ki da u Waheh Chnong ka Moriap uwa da khana tbian ya ka parom ka chnong wa kammon i jia wa sñiawsih ha ka Moriap Umkyrpong ha u snem 2004 heiwa hadooh katni em ka BOP wa ka sorkar da booh ko ha chnong.
Da pynkut ya kani ka sngi da i ngoohblai na u Klen Shylla wei da em i baamja sñiawbhalang waroh.
Discussion about this post