U Montri Rangbha ka jylla, u Conrad K. Sangma ha kani ka tayaaw da booh mooyurim u ya ki kaam pynroi kiwa palat ₹150 klur neibynta wow pynkylla dur ya ka chnong Tura.
Kini ki kaam kynthup ki yei chna pynthymme ya ka thaaiñ Nazing Bazar deiwa booh ka thaw pynyieñ kari, ka Hotel wa i thaw neibynta kiwa chongdai.
U booh ya ka Multi Level Car Parking wa ka Cinema ha Dakopgre, kawa ye u pynyieñ hadooh 200 tylli ki kari, ka Cinema Hall kawa em le tylli ki Screen, ka Gaming Zone wa ka Food Court.
Daw chna pynmiat leh ya ka SMELC Building, u booh ya ka Art and Culture Promenade deilang ka Museum, Kid Zone Park, ka CM Youth Centre wa ka Active Aging Centre.
Ha kani ka sngi, u Montri Rangbah da saam u leh ya ki Cheque cha ki Artist hapoh ka Chief Minister Artists Engagement Scheme yow kyrchaan ya kitu kiwa em yei sap ha kiwa boon ki jait kaam.
Da pynlait leh ya ka Tura Municipal Board Mobile Application yow pynsuk yei e chakri ya ki paidbah heiwa da pynbna leh yei rukom pynlang jhep na ki dong ki chnat. Da saam leh ki khusnaam cha ki dong kiwa khooid dooh.
Kam chibynta kani ka ₹150 daw pyndait leh ya ki LED Street Light 552 tylli wei da saam leh ki Sanction Letter neibynta wow pyndait ya ki 500 tylli ki CCTV ha kylleiñ ki bynta ka Tura.
Da pynbna u leh wa daw booh ya ki CM Connect Office ha waroh 56 tylli ki Blocks ka jylla.
Discussion about this post