Hei sien wa nyngkong, ka Directorate of Enforcement (ED) da tyrwa dai lilam ko ya lieñsuiñ wa chah kem wa tip kam ka Hawker 800A Jet Plane hei dor wa Rs. 3 klur kawa da chah kem kam chibynta ki kaam pyrchah aiñ wow thok poisa kawa dapoi hadooh Rs.792 klur wa da leh lyngba ka Ponzi Scheme wa tip leh kam ka Pyramid Scheme.
Ya kani ka lieñsuiñ da tyrwa dai lilam da ka Hyderabad Zonal Office ka ED lyngba ka MSTC Platform ha ka 1 tarik uni u bnai.
Da pyntip wa ya kani ka lieñsuiñ da kem heipor wa lai kynreh ha ka Rajiv Gandhi International Airport ha ka 07-03-25 heiyatoh wa ka Case pyrchah ya u Amardeep Kumar yong ka Capital Protection Force Pvt Ltd wa kiwi de kiwa da chah pynngat hapoh ka Prevention of Money Laundering Act (PMLA).
Hadien wa dadep ka ED wow kem ya kani ka lieñsuiñ wei da pynsakhiat da ka Adjudicating Authority hapoh ka PMLA ha u August 2025. Ka ED da paan bor ko ha u November 2025 wow dai ya kani ka lieñsuiñ hapoh ka Prevention of Money Laundering (Taking Possession of Attached or Frozen Properties Confirmed by the Adjudicating Authority) Rules, 2013.
Kani ka takit toh kawa da mih deiwa em le tylli ki Case wa da Register da ka Economic Offences Wing, Cyberabad pyrchah ya ka Capital Protection Force Pvt Ltd kawa em ha Hyderabad kawa tip leh kam ka Falcon Group hiewa u CMD toh u Amardeep Kumar wei da kem leh ya kiwi de.
Katkam wa ong ka ED, kini ki bru da thok chukor ki hadooh Rs. 792 klur na ki bru wa thap poisa deiwa kular ka nong wa heh bha.
Kiwa chah kem kynthup ki leh ya u Sandeep Kumar uwa chi payu wa u Amardeep Kumar, u Chartered Accountant, u Sharad Chandra Toshniwal wa u Aryan Singh Chhabra, CEO ka Falcon Invoice Discounting.
Ka ED da ong ko wa ka Rs. 3 klur kawa yoh neini i dai lilam daw e ka cha kitu kiwa chah thok deiwa yoh bor na Special PMLA Court.
Discussion about this post