Ka jylla Meghalaya da yoh ko ya i kyrdan wa le ha ka ODOP Awards 2023 wa pynman da ka Department for Promotion of Industry and Internal Trade ha Pragati Maidan, New Delhi wei ya ini i naam da yoh ka jylla heiyatoh wa ka thong krehkaam wa ong One District One Product (ODOP) yow pynpawnaam ya iwi i mar wa mih kyrpang napoh kawi pa kawi ka District.
Ya kani Aatmanirbhar Bharat Utsav & National ODOP Awards Ceremony da wai da u Dr. S. Jaishankar, uwa man u Montri ki Kaam Baar Ri ka India.
Kani ka Award toh wow yaroh ya ki jylla, ki District wa kiwi kiwi heiyatoh wa i thong ka Aatmanirbhar Bharat iwa mut wow ye u pyndap pynbiang da i ya i hi katkam ka thong ka ODOP.
U Montri Rangbah ka jylla u Conrad K Sangma, da ong u wa kani ka Award man ka wow e mynsien ya ki warep wa ki bru emsap kiwa da kreh chitom jar i sap wow pynyoo ya ki mar yong ki.
U Dr. Vijay Kumar D, Commissioner & Secretary ka sorkar Meghalaya da pdiang u ya kani ka khusnaam neibynta ka jylla.
Ka Meghalaya da kreh chitom ko wow pynmankaam yaka ODOP (One District, One Product) deiwa pynsñiawthooh hajrong ki Scheme, wow pynkordor ya ki mar, u dai ya ki wow yoh ki yei tipmit wa kiwi kiwi.
Discussion about this post