U Montri Rangbah ka jylla, u Conrad Sangma da ong u wa em chiboon ki daw wa mih i kynrum ha Garo Hills Autonomous District Council wei hawa kylli lada ka liang pyrchah emkti ko heini i kaam, da ong u wa ye i wow man na kiwa boon ki daw khamtam ha i synchaar paidbah.
Da ong u wa ka sorkar jylla da rai ko wow jngai na ki kaam wa yatoh wa ki District Councils wei daw neh i kamtæ.
U Conrad da pyntip u wa da yoh ya ka chithi na u Chairman wa na kiwi ki MDC hajrong i mih noh ki 9 ngut ki Executive Members heijooh i por, wei da paan leh wow pynman ya ka dorbar wa kyrpang kamjooh wow wanrah ya ka No Confidence Motion pyrchah ya u Chief Executive Member, u Benedic R Marak.
Chooh chooh da ong u wa ya ini i kaam da phah cha u Lat wow leh yeiwa emkaam katkam ka Para 36 (5) wow pynman ya ka dorbar wa kyrpang heiwa daw rah ya ka No Confidence Motion.
