U President ka Meghalaya Pradesh Congress Committee (MPCC), u Vincent H Pala da ong u wa kiwa yahkhmat ki seiñ saiñpyrthai ha i por ba wa dang em ki hapoh Congress waroh toh kiwa baam-tooh wei manda mih ki na ka Congress waroh da man pathan ki kam kiwa khooid.
Ini iwa klam u Vincent toh hajrong wa kylli wa mih noh chi thup ki MLA ka Congress kiwa da psiah noh cha kiwi ki seiñ deiwa pynsñiaw leh wa daw wanrah ki yei kylla.
U Vincent da ong u leh wa kamwa jooh ong u katwa dang em ki ha ka Congress toh ki bru wa baam-tooh katwa manda ngam ki ha ka nan ka BJP waroh da kylla khooid ki.
Da pynrap chooh chooh u deiwa ong wa ki Montri kiwa em ha ka sorkar MDA katni heipor wa em ki ha ka Congress toh kiwa baam-tooh lut, katwa katni da man ki kiwa khooid kiwa lui lui.
