U montri rangbah ka Kerala, u Pinarayi Vijayan ha ka 5 tarik da ong u wa ka jylla da ye ko wow e hadooh 74,26,164 sien (Dose) cha ki paidbah na ki 73,38,806 sien i tika wa yoh ko.
Ini mut i wa ka jylla da ye ko wow e 87,358 sien tam i dawai wei yeini da ye u leh deiwa syndong yei rukom e wei khlem pynsepai ya i dawai wa tam.
Katkam wa man ka jylla da yoh ko 73,38,806 sien i e dawai na ka sorkar pyrdi wei u Pinarayi da ong u wa ini i tika toh iwa neh namo tam ha ki klong (viVl) dawai.
Boonsien hi ha ki klong dawai da pyntam bait ya i dawai wei ym jooh man i thij khnang wow lait u duna i dawai heipor wa e wei yeini leh da pynskem da ka World Health Organisation.
Neiliang u montri rangbahdooh ka ri, u Narendra Modi leh da yaroh u ya kiwa kreh ha i chait i khiah khamtam ki Nurse kiwa da syndon khnang wow lait u sepai i dawai wei ini da man i kam i yahluti ki ya kiwi.
Da ong u leh wa i pynduna wow pynsepai ya i dawai daw yarap bha i hei yakhun ya ka khlam COVID-19.
