Shillong: U General Secretary ka All India Congress Committee (AICC) uwa pait ya ka Meghalaya u Luzinho Faleiro da pynbaad u wa ka ri India hapoh i yahkhmat u montri rangbahdooh u Narendra Modi da hiar ko ar chah hadooh wa da ktah ya ki paidbah nadooh ka yoh ka kot, ka kamai kajih, ki warep kiwa khayi wa kiwi.
Hawa yaklam wa ki laad pathai khubor ynne ka sngi, u Faleiro da ong u wa neidaw i synchaar wym hok yong ka sorkar BJP, ka Congress daw pynman ko yaka yakhih nadooh ka 5 tarik hadooh 15 tarik uni u bnai ha waroh kawi ka ri.
U Faleiro da pynbaad u leh wa kani ka sorkar jylla leh da rem ko haka synchaar yong ka heiwa ym em poisa ko wow su ya ki wakreh, ya ki Contractor waka Arrear yong kiwa sikai kiwa ym pu em su hadooh katni.
Da pynbaad u wa ym em ko iyi iyi wow pynlut neibynta ki kaam pynroi ha ka jylla hanla em ko ka hajan waka BJP kawa em ha ka sorkar pyrdi.
Ha i jooh i por, da kam u waka yoh kaam yoh jaam ha ka ri da hiar ko ar chah ha i synchaar ka BJP wei katkam wa chem ka International Labour Organisation (ILO), i em ki bru wa ym em kreh ha India da poi ko cha 84.95% kawa man ar chah na ka yukheiñ ha ka pyrthai.
Da ong u wa ha ka puræ puthi leh, 74% ki khynroo khyllood kiwa em hapyrdi 18-23 snem ym em lai chooh ki cha College wei ka BJP da pynsih ko yaka puræ puthi ha ka ri. Da ong u leh wa i ku ka yoh ka kot ha India da hiar bha ko ha ka ri ha kini ki 6 snem wa da dep, nalor ki karkhana ki Bank ki da yachem ki yei eh nadooh wa synchaar ka BJP.
Da ong u leh wa ki warep leh da kthang ki ha ini i synchaar ka BJP wei jinjar yong ki dang ku hawa wyrchaw wa kiwi ki snem.
Discussion about this post