Ynne ka sngi ka Prime Minister ka ri Bangladesh, ka Sheikh Hasina da hiar chuki noh ko deiwa phah leh ya ka chithi ieh kaam hadien wa joor i yakhih iwa da neh la chi bnai tam kattu.
Kam wow kdaw heini i yakhih da sdang i ha ka sngi nyngkong u Naiynñiaw wow pyrchah ya i thmu ka sorkar wow e bhah kreh 30% ya ki pateiñ yong kiwa yaleh laitlooid ya kani ka ri heiwa kiwa pyrchah yeini da pynman ki yei yakhih ha kylleiñ heiwa ynnin da yap 94 ngut ha ka chi sngi.
Waroh kiwa da yap da em ki palat 300 ngut.
Ynne da pynman yei lai paidbah dei thmu ki wow tia cha yung yong ka Prime Minister wow dawa wow hiar chuki noh ko tangwa chwa itæ da hiar chuki noh ko wei da yut noh ko na Bangladesh cha India.
Katkam wa man katni ya ka ri da synchaar da ki chipai chwa wow ye u thung da kawi tawon ka sorkar.
Ka sorkar ini wa dep da khang ko ya waroh ki jait Internet deilang wa ki Broadband wei ym chah leh wow pynemkaam ki ya ka Facebook, WhatsApp, Instagram wa kiwi de wei da pynbna sngi chuti leh neibynta ki 3 sngi wow wan.
Ka Hasina kawa da em 76 snem i rta toh kawa da man Prime Minister la san sien wa katni hadien wa jop biang ko ha uni u snem. Katkam ka khubor wa da yoh, da mih ko ynne na Dhaka da ka lieñsuiñ ki chipai heiwa da antaad wa da lai ko cha India deilang waka diah ko.
Discussion about this post