U Nitish Kumar ynne da hiar chuki u kam u Chief Minister ka Bihar deiwa lai e chithi cha u Lat ka jylla u Rajendra Arlekar deiwa phah leh wow pynkut noh yaka sorkar wa yahkhmat u kawa tip kam ka Mahagathbandhan.
U Nitesh Kumar da pyntip u leh wa da mih noh u napoh ka INDIA Bloc neidaw wa ki seiñ saiñhima wa em hapoh kani kawa da ya krehlang yow yaleh pyrchah yaka BJP ym em biang i long i man i yatoh ki.
Da ong u leh wa i long i man hapoh ka sorkar yong oo kawa da seiñ dang chi snem chiteiñ leh ym em man i iwa biang deiwa khana leh wa da yaklam u wa kiwa boon chwa wow chim ya ini i rai.
Da khana u leh wa yaka sorkar yong oo da ye u chna heipor wa eh bha i kaam wei da ya wanlang deiwa kular u ya krehlang ya ki thong wa da ya mynjur lang tangwa ym em ye u leh yeini wei katni tang para ki leh ym em de tang u yaklam, kamtæ ym em laad de u da iwi lait neiwa pynkut noh ya kani ka sorkar.
U Nitesh Kumar uwa man kam u MLA ka JDU da chna sorkar u deilang waka RJD, INC, ka CPI wa ki MLA khlem seiñ ha u 2022 tangwa chwa ini da krehlang u wow chna sorkar waka BJP heiwa da hiar chuki u kam u Chief Minister haka 09-08-22.
Ha ka Election MLA 2020, ka BJP da jop ko 74 tylli ki Constituency, ka JDU 43 katwa ka RJD won 75 tylli.
U Nitesh hadien wa hiar chuki u, ynne hi da lai yachem u wa u Lat yow chna sorkar deiwa ya krehlang ka JDU, BJP, HAM wa u MLA samen wei da yooluti pyn myntu hi u baam smai biang u kam u Chief Minister ka Bihar hapoh i yahkhmat ka sorkar thymme.
Discussion about this post