Hiar chuki u heh ka Congress hadien wa ong u ki bru ka thaaiñ mihsngi i dur ki kam ki nong China

U Sam Pitroda uwi na ki heh Congress uwa yajan bha wa u Rahul Gandhi, da ieh noh u yei man kam u Chairman ka Indian Overseas Congress wei yeini da pdiang leh da u National President ka Party, u Mallikarjun Khargre.

Ini toh hadien wa u Pitroda da ong u wa ka India toh kawa em boon jait ki bru wei da ya tylli ko la 75 snem hanla em boon i yaphær heiwa ki bru wa em cheiliang ka mihsngi i dur ki kam ki nong China, kiwa cha sepsngi i dur ki kam ki Arab, kiwa em cha neiñ ka ri i dur ki kam ki dohlieh katwa kiwa em cha wah ka ri i dur ki kam ki nong Africa wei ini ym phær neibhah i waroh toh kam ki chi payu para.

Hadien wa poor ini wa ong u, da pynchrai i ya kiwa chong chnong ka ri heiwa neiliang u Montri Rangbah ka Meghalaya, u Conrad Sangma leh da beiñ u yeini wa khut nong China u yaki bru ka North East.

Neiliang u Kiren Rijiju uwa man kam u MP ka Arunachal Pradesh kamjooh u Montri ka sorkar pyrdi leh da beiñ u yeini deiwa ong wym toh u kheiñstiñ yeini wa ong u Pitroda.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

U Prime Minister ka ri, u Narendra Modi leh da beiñ u yeini deiwa ong wa oo neh chah hi u manda beiñ ki bru ya oo tangwa ym neh chah u manda chah beiñ ki bru ka ri wei ym pdiang ya ini i rukom pyrkhat yoobeiñ jaitbru.

Ka Finance Minister, ka Nirmala Sitharaman kawa na Tamil Nadu tangwa kawa mihkhmat yaka jylla Karnataka, da ong ko wa ka kam kawa na South India sariem dur ko wa kiwi na North East wa West India tangwa ya uni uwa yahluti wei uwa sneiñ ya u Rahul Gandhi i dur i toh kam kiwa na Africa, China, ki Arab waki doh lieh.