Shillong: Hanlada ka Congress da yoh ko du 4 ngut ki MDC cha ka JHADC neiliang u heh ka Congress, u Vincent H Pala da ong u wa mih noh kiwa yahkhmat ka Party chwa ka Election toh i daw wa kongsan wa hiar ka party ha Ri-loom Jaiñtia.
U Vincent da ong u wa, wow sai ya kiwa yahkhmat hapoh 3 næ 4 snem ym man i iwa suk neibhah i mih u Sngiawbhalang Dhar, u Comingone Ymbon, u Lahkmen Rymbui wa kiwi kiwi na ka Party.
U Vincent da kubur u wa da hiar bha ka party ha Ri-loom Jaiñtia, tangwa sñiawkmen u wow yoo wa ki MDC warim na ka Party da jop biang ki ha kani ka kynti iwa pynyoo wa dang chaniah ki paidbah ya ka Party.
Ha iwi won i liang u Vincent da ong u wa lada pait bniah bha ka Party hanla duna ki MDC wa jop na JHADC, tangwa jop hi ko ha waroh ki District Headquarter ka Khasi-Jaiñtia wa kynthup ha Jowai, Nongstoin, Mawkyrwat wa Nongpoh wei ini pynyoo i wa dang chaniah ki paidbah ya ka Party.
Discussion about this post