Khliehriat : Hadien wa da mih khubor kattu katni ki sngi wa kylla rong biang ka wah Lukha ynne ki scientist ka Meghalaya Pollution Control Board da hiar ki cha kani ka wah wow sylli (test) ki ya ka um na kani ka wah. Hachwa wow lai ki cha kini ki thaw da mih ki na ophis u DC heiwa da synran leh ya ki da u Magistrate wa da lai ryngkat cha kini ki thaw.
Nyngkong da lai chim ki ya ka um na Khaddum, neitæ da chim ya ka um wa mih na ka Star Cement, na ka Star Cement da lai ki cha Sunapur weiwa khaddooh da lai ki cha Myndihati.
Katkam ka yutip wa da yoh na ka MSPCB da ong wa ya ki result yong kini ki test daw pynmih paidbah ya ki ha kini ki sngi manda dep test lut. Da synran ya kini ki stat ka Board da ki tre chnong.
Ya kani ka lai li sylli da yahkhmat da u Scientist ka Scientific Branch u ma S. Swer wa u Assistant Environmental Engineer na ka Engineering Branch u ma Y.F Laloo.
Heijooh i por da pyntip wa neiliang yong ka MSPCB da khut ki leh ya ki nongkitkaam ka seiñ JSU Narpuh Circle wow sakhi ki yeini i lai li sylli ki tangwa neiliang u DC da phah pyndep bait u ya kani ka kaam neibhah wa da dep booh tarik ki yow leh yeini.
Discussion about this post