Shillong: Ka jylla Meghalaya ryngkat wa ka pyrthai waroh kawi, da leh warom ko ya ka sngi pyrchah ya i kjut khairih ynne ka sngi ha Shillong heiwa da pynman leh yei lai kjat da ki khynnah skur ha ki kattu katni ki thaw wow pyrchah ya kani ka kjut.
Katkam wa pyntip ka Deputy D.H.S. (M) cum S.P.O., NVBDCP ka Dr. R. Lyngdoh kawa pait ya kani ka kjut hapoh ka jylla, da ong ko wa hadooh u Wisu 57.87 percent hiar kani ka kjut khairih ha ka jylla Meghalaya wei kani pynyoo ko wa kani ka kjut da duna bha ko.
Da la ong ko wa hadooh u snem 2015, ka jylla Meghalaya toh kawa joor bha ka kjut khairih ha ka thnaiñ mihsngi, tangwa da hiar ko ha u snem 2016, da hiar bha kani ka kjut nadooh u snem 2017 heiwa da hiar hadooh 15.5 percent wei hadooh u Wisu uni u snem da hiar ko da 57.87 percent.
Da ong ko wa i hiar ha ka PF Case cha ka 53.23 percent wei ym em chem ya kiwon kiwon kiwa chitom khairih.
Chwa ini, u Montri ka tnat i chait i khiah, u AL Hek uwa man kam u kongsan ha kani ka sngi hawa klam ha ka yalang wa pynman ha Soso Tham Auditorium, Shillong wa da pynman da ka yung krehkaam ka Deputy Health Director Services (Malaria), da pynkynmoo u ya ki paidbah wa toh u man ki kiwa rah ya ka ktien wow sneiñ wow yada na kani ka kjut.
U Hek da ong u wa ka kjut khairih katni dang duna bha ko neidaw wa chimkhia ka sorkar yeini lyngba ka tnat krehkaam yong ka wa ki paidbah.
Ha kani ka sngi da emlang u P.S. Dkhar, Deputy Commissioner ka East Khasi Hill, u Dr. T. Wahlang Director of Health Services (MI), wa kiwi kiwi.
Ki khynnah puræ ka Martin Luther Christian University da pynyoo ko leh ya ka Drama wa tbian wow pynsñiawthooh paidbah kammon wow yada na ka kjut Malaria.
Discussion about this post