15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hiar kiwa kreh warim ka JACJH & JSU cha Psiar

0 Comments

Jowai : Ki Nongyalam warim ka Joint Action Committee, Jaintia Hills (JACJH) ynnin ka 18 tarik da hiar ki cha ka chnong Psiar kawa em hajan ka Block-I ha West Jaiñtia Hills yow lipait liyoo ya kawi ka skur Upper Primary kawa da seiñ da ka JACJH hapoh i yalam daka kong Phidalia Toi ha u snem 1998.

Kiwa yahkhmat warim ka JACJH kiwa da hiar cha katai ka shnong kynthup kynthup ki ya ka Secretary, ka kong Phidalia Toi, ryngkat u President warim, ma L.D Lakiang, Vice President warim, u Dolloi Elaka Raliang u Chawas Lyngdoh, wa kiwi kiwi kiwa kynthup ya u Jaiñtia Students’ Union (JSU) kiwa kynthup ya u President u ma Rikut N Parien, u President ka Mynsoo Unit, u Lawyer Son War.

Ka kong Phidalia Toi da man ko kam ka kongsan wow wai ya kani ka sngi hei emlang u Dolloi Raliang u ma Chawas Lyngdoh uwa man kam u Symbood Kongsan.

chwas

Hei yatoh wa katai ka skur ka kong kong Phidalia Toi da pynkynmoo ko ya ki paidbah yei eh i khoo wa tyngkhooh ki heiwow yarap ya ki paidbah kani ka thaiñ kiwa hap hapoh ka jylla Meghalaya.

ptoi

Heiwa klam chaphang katai ka skur kawa da seiñ da ka JACJH, da ong wa ha u snem 1998 da sdang ya katai ka skur niedaw ka ym em UP School ha waroh kani ka thain, ka JACJH da chim ko ya ka rai wow seiñ ya katai ka skur nei bynta u yoh myntoi ki khon ki kti yong ka thain waroh kawi.

“Dei yakrehlang ki paidbah na ki  14-15 tylli ki chnong ka thaiñ Block I deilang wa ki paidbah ka chnong Psiar, Khatkasla wa kiwi kiwi da ye u ynmih ya kani ka skur” da ong ka kong Toi.

Heiyatoh wa katai ka skur, ka kong Toi da thrang ko wow kyntu kyrdan noh ya katai ka skur na ka UP cha ka Secondary School. Ka kong Toi da kular ko ya ka SMC wow su ya ka Tulop na kata yong ka hi. Da phah ya ka SMC wow thung ya ki nongsikai wei wow pdiang ya ki khynnah skur ha uni u snem wow wan.

I thmu yong kiwa yahkhmat warim ka JACJH, toh wow yarap ya ki khynnah skur yong ka thaiñ khamtam ya kitu ki manyung kiwa ym em lad wow phah skur ya ki khon cha sor Jowai næ Shillong, da pynsñiaw u Rangbah Chnong ka Psiar u ma P Synnah.

Ha kani ka yalang, da ioh leh yei klam na u ma LD Lakiang, ma Gilbert Sten wa u Rikut N Parien wa kiwi kiwi.

rparein

Previous
Next

0 Comments

Leave a Reply