Ampati : U MP ka Tura ynne ka sngi da hiar cha ka chong Ampati ha ka sien wa nynkong nadooh wa man u kam u MP kamjooh kam u Chairman ka District Development Coordination & Monitoring Committee (DDCMC) wei da pynman u leh ya ka yalang wa waroh ki tnat sorkar (Line Departments) ha ka Conference Hall u DC ka South West Garo Hills.
Ya kani ka yalang da pynman da u Conrad yow pyntikna wa waroh ki skhim wa wan na ka Sorkar Pyrdi toh da pynkrehkaam ya ki. Ka sorkar India leh da phah ko wow pynman yalang ya ka DDCMC man ka 4 bnai wei neiliang u MP da ong u wa daw pyrchang u wan li pait li sylli ar sien ha ka 4 bnai. Da ong u leh oo kwah u wow sakhi da ki khmat yong oo hi yei pynrkrehkaam ya ki skhim sorkar kamtæ daw li hiar u cha waroh ki thaw wa pyrnkreh ya ki scheme.
Ki tnat sorkar wa pynkreh ya kiwa boon ki scheme sorkar ha kani ka yalang da pynyoo ki yei kreh ki lyngba ki PowerPoint Presentation.
Kiwi wa em ha kani ka yalang toh u Deputy Commissioner in charge & ADC Hazel D. B. Sangma, District Medical & Health Officer, Dr. Kona Sangma, Zizak C&RD Block Development Reuben Momin wa u Betasing C&RD Block Development Officer Alberth G Momin.
Discussion about this post