Hukum ka HC wow sdang krehkaam biang ka Cardiology Dept. ka NEIGRIHMS nadooh mynstep

Shillong: Ka sorkar jylla da phah ko ya ka chnat Cardiology yong ka North Eastern Indira Gandhi Regional Institute of Health & Medical Sciences (NEIGRIHMS) wow sdang kreh biang ko kamwa jooh nadooh mynstep ka sngi wei ini man i katkam ka hukum ka Kasari ka Meghalaya High Court khnang wow lait u chem chitom ki paidbah. 

Hadien i yachem wa u Head of Department ka chnat Cardiology, u Symbood Montri Rangbah ka jylla, u Prestone Tynsong da ong u wa ini i awri awra ha NEIGRIHMS da poi ko cha Kasari kawa da pynmih hukum ynne ka sngi wa ka chnat toh u sdang krehkaam biang ko nadooh mynstep ka 9 tarik.

Da ong u leh wa ka jylla da haap chimkhia ko yeini neidaw wa sñiawkhia ko yei eh i khoo wa takhooh ki paidbah nadooh wa sangeh krehkaam ka chnat ha ka 30 tarik u bnai wa dadep. 

Da ong u wa ya katni emkaam jhan dooh toh wow sdang krehkaam biang hanlada em i sñiaw yaphær yumut leh hapyrdi kiwa sumaar hapoh kani ka thaw.  

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Hajrong i thied ya ki tiar kam ki Stent wa ki Pacemaker, neiliang u montri da ong u wa yeini ka sorkar daw sylli bniah ko. 

Neiliang u HoD ka Cardiology Dr. Animesh Mishra da ong u wa ka yalang da man ko katkam ka hukum ka Kasari da phah ko wow sdang biang u krehkaam nadooh mynstep (9 tarik) wei wow pyndep yeiwa sahteiñ waroh.

Chooh choog da ong u wa da yachem leh wa u Medical Superintendent wow pynlai bait yei kaam hanlada em bait i duna yong ki tiar Stent.

Hajrong i pynbaad u Director, neiliang u Dr. Mishra da ong u wa yieñ u ha ka jooh ka yurim wa smat u wow pdiang ya kawon kawon ka takit pyrchah ya oo.