15 49.0138 8.38624 1 0 4000 1 https://wyrta.com 300 0

Hun ka seiñ ki Muster Roll na Ri-loom Jaiñtia ya ka rai ka sorkar

0 Comments
Advertisement ad1

Shillong: Kiwa kreh Muster Roll na Ri-loom Jaiñtia hapoh ka lama yong ka Jaiñtia Hills PWD Muster Roll Workers’ and Labour Union ynne ka sngi da pynsñiaw ki yei mynsien sñiawhun hajrong i rai ka dhab ki montri wow pynbiang yei dawa yong ki khamtam wow pynku ya ka nongsngi, ynne ka sngi da yachem ki ya u Symbood Montri Rangbah ka jylla, u Prestone Tynsong wow pynsñiaw yei dawa yong ki.

Hawa yaklam wa kiwa thoh khubor, u Prestone da ong u wa ka yalang da yaklam wow pynku noh ya ka nongsngi yong ki wei yeini da rai ka ka dhab ki montri. Ka nonsngi da pynku cha ka T. 300 chi sngi u man ko nadooh u Naichiphaw 2018, katwa i nongsngi warim u man ko hadooh u Naikhynde uni u snem.

Hadien wa da sangeh chipor yei yakhih, u President ka Union u Khroo Lamsalanki Pariat da ong u wa ka Union da yaklam ko wa ua Symbood Montri da pyntikna u wow yachem wei wow yaklam wa ka seiñ hajrong kani ka kaam.

U Prestone da pyntip u wa da yaklam hajrong ki myntoi na ka Meghalaya Building and Other Construction Welfare Board (MB&OCW Board) wow pynkrehkaam noh katkam wa da rai da ki montri.

Kam wow pynkynmoo heini kiwa kreh Muster Roll na Ri-loom Jaiñtia da dawa ki wow pynlait noh ya ka nonsngi wa sah la 6-7 bnai wa kiwi kiwi.

Advertisement ad1

0 Comments

Leave a Reply