Tura: U Montri Rangbah ka jylla u Dr. Mukul Sangma da pysñiaw u yei hun mynsien u yei rukom pynkrehkaam ya ka Chief Minister’s Social Assistance Programme heiwa da poi ko cha waroh kiwa emkaam ya ka ha ka imlang sahlang khamtam kiwa dooh wa duk.
Da ong u wa ka luti wow lai cha khmat kattu toh wow esiaki ya ki ya yow em ki i sap wow seiñkhih yow ye ki u yieñ hei yong ki hi ki kjat.
Da ong u ya ini ha ka yalang wow bichaar yei pynkrehkaam ya kani ka Scheme ha ki 5 tylli ki District wa em ha Garo Hills hei emlang u Social Welfare Minister, Clement Marak, West Garo Hills Deputy Commissioner u Pravin Bakshi, Director Social Welfare, u H.M. Shangpliang wa kiwi ki heh sorkar wa pynman ha Tura Circuit House.
Kani ka Chief Minister’s Social Assistance Scheme toh kawa yarap ya ki bru wa em i duna ha i doh i pran yong ki, ya ki manbei wa psa khon dei bor yong ki samen wa i yarap poisa ya ki khon swet yow ye ki u bia.
Nyngkong heipor wa sdang ya kini ki scheme duna bha kiwa wan cha khmat tangwa ki snem 2015-16 wa 2016-17 da sdang u ku kiwa yoh myntoi deiwa pynman ya ki pynsñiawthooh paidbah ha kylleiñ ka jylla.
Kiwa yoh myntoi kamjooh i ka poisa wa da pynlut man ko kamni hawah hadooh u Wisu 2017:
5305 kiwa duna hei doh i pran yong ki wei da pynlut T.10,99,12,500.
15014 ki manbei wa wa psa khon samen wa 31339 kiwa duna hei pyrkhat pyrdaiñ da pynlut T.62,57,11,000
225 ki khonswet wa da yoh yarap poisa u bia da lut T.3,37,50,000.
U Montri Rangbah da yaroh u ya waroh ki tnat wa kreh chitom wow pynpoi ya kani ka scheme cha ka thong wa jop khamtam ya ki manbei wa samen neibhah katwa dang lai ki sngi dang boon ki wei da kyntu u leh ya ki sahep sorkar wow kreh chitom chooh chooh ki yow myntoi kiwa rap boon na kani ka scheme wei neini cha khmat toh u phah bait ya ka poisa cha ka Bank Account kiwa yoh myntoi deiwa yarap ya ki wow wai ya ki bank account.
Discussion about this post