Hun mynsien u Gowda yeiwa yoo u yei rukom krehkaam ka NEIGRIHMS deiwa phah pyndap u yeiwa duna

Shillong: U Union Minister of Statistics and Programme Implementation u D V Sadananda Gowda ynne ka sngi da hiar u cha ka North Eastern Indira Gandhi Regional Institute of Health and Medical Sciences (NEIGRIHMS), Shillong yow sylli ya ki kaam wa dang chna pynheh ya kani ka thaw sumaar kamjooh ka thaw puræ.

Da yachem u leh wa kiwa pyllai ya ka NEIGRIHMS kamjooh ki Engineer ka Company HSSC wa kreh ya ini i kaam.

Ka Wansuk Syiem, MP da synran ko ya u Gowda ynne ka sngi uwa da lai sylli leh yei chna ya ka Regional Cancer Centre, Medical College Building, Hostel wa Nursing College wa dang chna ha NEIGRIHMS heiwa u Gowda da pynkynmoo u ya kiwa chna yow kreh ki deiwa paka ymtoh u chna tangdep hi-eh ki.

Da psiah u leh cha ki tnat thaw sumaar waphær waphær ka NEIGRIHMS heiwa da yaklam u leh wa ki Doctor kamjooh kiwa chah sumaar wa kiwa wan thooh dawai na kani ka thaw.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Gowda da hun u yeiwa sñiaw u kamjooh yeiwa yoo u yei khooid i jngiar kani ka thaw.

“Waroh kiwa chah sumaar wa yaklam O da ong ki wa hun bha ki yei rukom krehkaam kani ka thaw kamjooh da yaroh O yeiwa ye ki u pynkhooid ya kani ka thaw waroh kawi” da ong u Gowda.

Kiwa heh ka NEIGRIHMS won da ood ki yei sih u sarok wa lai cha kani ka thaw kamjooh yei wym biang i poi um cha ka. Neiliang u Gowda da kular u wow chimkhia ya ini waroh wei da kyntu u leh ya ka Syiem wow chimkhia ko ya ini waroh.

U Secretary Planning Govt. of Meghalaya u Dr B D R Tiwari da ong u hei yatoh wa u sarok ka sorkar dadep pynkhreh ko katwa ya ka um won leh dadep pynkhreh ko wow pynkrehkaam noh ym slem de.

U Gowda da pynkut u deiwa ong wa emkaam u pyndep ya waroh i kreh heipor wa biang katkam wa da booh.