U khlieh ka Congress ha ka jylla uwa man leh u montri rangbah warim ka jylla, u Dr. Mukul Sangma da ong u wa i hiar dor noh ka Garo Hills Autonomous District Council (GHADC) kamwa man katni toh nei joor i baam-tooh ha kini ki 3 snem, wei ka Congress kwah ko wow wanrah ya i rukom kreh iwa lait na ini.
Da ong u wa ka sorkar Meghalaya Democratic Alliance (MDA) wa yahkhmat da ka NPP da synchaar ko katni ya ka jylla la 3 snem, wei ha kini ki 3 snem da yoo chiboon ki kynrum kynram wa da pynhiar ya ka Garo Hills Autonomous District Council (GHADC).
U Dr. Mukul da ong u leh wa nadooh nachwa wow yoh ya ka jylla ki District Council da em chwa ki wow yada ya i man tynre.
Da ong u leh wa ka Congress katni i kaamram ko toh u pynwandur biang ko ya ki District Council.
