U Vice Chairman yong ka NITI Aayog, u Suman Bery da ong u wa ka Meghalaya da lehbha ko ha kiwa boon ki liang namo ki Sector wei da pynrap u leh wa ka jylla da ku ko hawa yatoh wa ka puræ puthi wei kamjooh hawa yatoh wa i ye u pynbiang ya ka um.
U Bery da wan poi u cha Shillong wei da chong yachem u wa ki sahep sorkar ynnin ka sngi heiwa da yaklam u hawa yatoh wa ki kaam yow pynku ya ka jylla, wei da e kyrchaan u leh hawa yatoh wa ki kaam pynroi ha ka jylla yow lai chakhmat.
Hawa yatoh won wa i booh thong yong ka Meghalaya yow kynjoh yei yoh i kot cha $10 Billion, da ong u wa man i iwa bha wow booh ya ka thong wei wow em i thrang wei ka jylla toh u em ko ya ki Roadmap yow poi cha katæ ka thong.
Ha iwi won i liang, u Chief Secretary, u DP Wahlang da ong u wa i yaklam wa u Vice Chairman ka NITI Aayog man ko kawa mihsoh, heiwa da klam ya kiwa boon tylli ki phang wa kynthup leh yow kyntu ya ka khayi pateiñ ha ki khappood wei wow pynkhlan chooh chooh ya ki yaaw ki haat ha khappood, kamjooh leh hawa yatoh wa ki Externally Aided Project deiwa yarap ka NITI Aayog.
Discussion about this post