Shillong: U Montri Rangbah ka jylla, u Conrad K. Sangma ynne da pynhiar pyrda u ya ka Meghalaya State Skill Competition 2018 ha U Soso Tham Auditorium, Shillong.
Ha kani ka sngi u Conrad hawa e i klam da ong u wa i bor wa i sap yong ki khynroo toh u tipmit ya ki wei wow pynwandur ya ki ha ka luti wa bha wa miat yow ye u wanrah ya ka ri chakhmat ha ka roi ka paar.
Da pynksan u yei emkaam wow pynchlur wow man kiwa chait wa khiah neibhah lyngba ini daw ye u chem ya ka sap yong ki khynroo ka jylla waroh kawi.
“Lada kwah phi wow kyrriah ya u moochynthut ha ka luti yong phi emkaam wow thooh phi ya ki laad ki luti kammon wow leh wei lada kwah phi wow kyntu kynrong ya ka sap wa em phi emkaam wow em kam kini ki yakob em sap” da ong u Conrad.
Hawa e khublei ya kiwa jop ha kani ka yakob u Conrad da e mynsien u ya ki khynroo deiwa ong wa i i jop namo i rem ym phær i, tangwa emkaam wow em ka mynsien wa khlan wow man kiwa da pynkhreh wow yaleh wow yakhun waroh chi rta.
Discussion about this post