15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kem ki pulit ya uwa suba tynyap ya ka nurse wa kreh ha Nazareth Hospital

0 Comments
Advertisement ad1

Shillong: Ki pulit ka nongbah Shillong da kem noh ki ya uwi u bru hajrong i suba wa emkti u wow tynyap ya ka khyllood na Manipur, ka Leiyaton Soro 27 snem kawa na ka chnong Chingjaroi kawa haap ha Ukhul District, Manipur wei kreh ko kam ka nurse ha Nazareth Hospital Shillong.

Hawa yaklam wa u SP ka East Khasi Hills, u Davis NR Marak da ong u wa ki pulit da kem noh ki ya uni u bru ynnin ka sngi na Gora Line, Laitumkhrah uwa sah marjan wa ka Soro neibhah ha ka takit da chem wa ka kari yong oo em dak snaam ko wei neiliang ki pulit da khyrrup noh ki ya kani ka kari.

Da ong u wa i chah tynyap ka Soro toh nei bichni neibhah wa daw bia noh ko ha u Khonchonglad (November) yong uni u snem.

Da ong u wa hanlada ki pulit dang yang ki ya ka Post Mortem Report, tangwa na ki dak ki chin kiwa em ha i metyap ka Soro da khlad ko nei mynsoo ha ki bynta i khlieh wei ym em dak de cha iwi i bynta i metyap yong ka, wei da chah tynyap ko ha i yung wa sah ko wei da noh ya i metyap cha Ryndang briew, Mawiongrim.

U SP da kyntait u yei poor ka khubor ha ki Social Media wa ka Soro da chah kit ko ha ka kari kamai wei da chah slaitbor ko chwa wow chah tynyap. Heiwa da pynsñiaw u yei mynsien sñiawkhia wa smat poor ki khubor hamsaya lyngba ka internet ki wym chongnia.

 

Share this:
Previous

Kyntu ki seiñbhalang Naga ya u Conrad wow booh Inquiry yei chah tynyap ka Laiyaton Soro

Next

I bor wa i sap yong ki khynroo toh u tipmit ya ki wei wow pynwandur ya ki ha ka luti wa bha: Conrad