Ka Hill Farmers’ Union, West Jaiñtia Hills District, da beiñ joor ko yei klam beiñ uwi u bru wa tip pyrtuid kam u Henry Dkhar uwa da kam ya idæ kam uwa khayi jhoor uwa da pynbaad wa man ‘Dalal’ ka synjuk ki warep ka Hills Farmers’ Union (HFU) ha ka Video wa da pynlait ha ka 28-08-2023 hajrong ka yurim wa ka HFU da yieñ ko heiyatoh wa i ah kilo ya ki mar rep ya iwa da pdiang da ka sorkar jylla wei kamjooh leh da ka Khasi Hill Autonomous District Council (KHADC).
Neiliang u President ka Hills Farmers’ Union, West Jaiñtia Hills District, u Mutshwa Thabah da ong uwa ka seiñ kulmar ko ya uni u bru uwa em yei mynsien wow yarap ya ki warep deiwa ‘ah kilo’ deiwa ong leh wym ah kilo lada ktah ko ya ki warep.
Ka seiñ da pynche ko wa i ah kilo da ktah bha ko yei yoh i laa ki warep wei man ko leh i ban beiñ ya ki warep neibhah na ka chi Ton da chah ah 100 Kilo iwa mut wa kani ka 100 Kilo da e mynkna cha kiwa khayi, kamtæ u Mutshwa da kylli wa lada ini ymtoh i dooh nong ya ki warep?.
Chooh chooh da ong u wa ha kini ki sngi, ka bai symbe, bai sboh, bai wakreh wa kiwi kiwi da ku dor lut nadong chadong, kamtæ wow e mynka 100 Kilo na ka chi Ton toh ka wym ye u pdiang wei i dooh nong wa khroo ya ki warep.
Kamtæ neiliang ki warep na West Jaiñtia Hills District da phah ki ya ka khubor kawa che wa yatylli ki wow pyrchah yei ah kilo ym du nei dooh nong tangwa da man ko leh wow chim kabu yei kreh chitom wei hajrong ini da kyrpaad ya ka sorkar wow pyndooh pyndam ya ini i ah kilo da ka aiñ wa khlan yow ye u pyndooh jait ya ini wa da ktah sakhiat ya ki warep.
Da ong leh wa lada kwah wow pynyoo yei ya tylli, ki warep u mih madan ki da ki lak ngut yow pynyoo yei pyrchah yei ah kilo yow sñiawthooh u leh uni uwa pynbaad Dalal ya ka Hills Farmers’ Union wei da dawa leh wow pynche u hajrong ini i pynbaad khlem yurim lym kamtæ ka seiñ daw leh ko deiwa eh.
Discussion about this post