Kat dang lai ki sngi, ka khlam COVID-19 dang pteiñ i poor yong ka ha ka jylla waroh kawi wei kamjooh leh ha Ri-loom Jaiñtia wei hajrong yong ki laad wow yada na kani ka khlam kjut da kyntu leh wow wan chaphrang wow chim yei tika yada na uni u khñiang.
Ha kani ka kynti, u Medical & Health Officer ka Padu State Dispensary, u Arwin Khonglah da ong u wa oo chirup wa kiwa kreh kani ka thaw sumaar da chim ki ya i tika nadooh u Duyatra (Jan) uni u snem.
Da ong u wa hadien wa yoh ya i tika da sñiaw chngaaiñ ki neibhah wa hanlada wan næ chah ktah ha kani ka khlam, neiliang yong ki ym tieñ de ki neibhah wa kani ka kjut ymye ware ko u ktah joor ya ki.
Kamtæ da kyntu u ya ki paidbah khamtam kiwa cha thaaiñ palatsor wow wan ki chaphrang wei ymtoh u tieñ ki neibhah i tika yarap bha i wei lada chah ktah leh ha uni u khñiang ym man won i kjut wa joor neibhah daw ye u sumaar dih dawai ha yung wei ym emkaam de wow lai cha Hospital.
Chooh chooh da ong u wa lada dep e tika 90-100% ha ka chnong, kiwa chim tika daw yoh ki yei yada wa tip kam ka Herd Immunity pyrchah ya uni u khñiang u wym ye wow psiah ha ka chnong ka thaw heiwa daw man i kam i yada ya ka yung ka sem wa ka chnong ka thaw waroh kawi.
