theme-sticky-logo-alt
theme-logo-alt
Advertisement ad1

Maham ka ECC wow lai katkam ka aiñ lada ym pynmih pyrtuid ya kiwa pynbood naam ya u dkhot

Ka Environment Coordination Committee (ECC) kawa kynthup lang ya ki bru samen kam ki muktiar, ki pastor, Engineer, ki bru maya rymaw, ki Doctor, kiwa sikai wa kiwi kiwi de kiwa napoh ka Elaka Sutnga da maham ki wow lai cha ka yung kachari hajrong i mih khubor ha uwi u kot khubor Khasi neidaw wa khlem khana ki yei pyrtuid ki bru wa da klam ya ki kyntien wa da ktah yei man i long yong samen uwi na ki dkhot ka Committee.

Heiyatoh wa ini, ka ECC da ong ko wa uwa chah thoh khubor toh uwa da kreh neibynta ki bru ka Elaka wei ym toh wow kdaw yei kaam samen yong oo. Ka ECC da beiñ ko yei rukom mih khubor pyrchah ya u dkhot iwa man du wow pynbood naam wei iwa da ktah yei burom yong oo.

Kamtæ da kylli ileh wa ym em pynmih yei pyrtuid yong ki bru kiwa da klam ya ki kyntien pyrchah ya u dkhot ka ECC neibhah ini toh i kaam wa emkaam u tip ki paidbah lym kamtæ i pynmih khubor man ko du wow thaad ya u bru lane ya ka seiñ.

Da pynkut deiwa ong wa lada ym khana yi wa ong ya ki kyntien hapoh 2 sngi, ka ECC daw lai ko cha chakhmat katkam ka aiñ.

Ha ka khubor wa da pynmih ha ka 29 tarik uni u bnai da ong wa da sñiaw diaw kiwa kreh mylla ki karkhana Coke wa em ha East Jaiñtia Hills neidaw wa ka ECC da dawa ko wow khang noh ki kini ki karkhana ki wym pu biang ki kot ki sla.

Ha kani ka khubor da thoh wa kiwa kreh mylla ki wym kwah u pynmih pyrtuid kiwa sah ha kani ka thaaiñ da pynmih ki yei pyrtuid u dkhot ka ECC deiwa ong wa kam uwa yahkhmat niam wei uwa ksoh ya ki kaam u Blai toh u em u yei yaichah wa i mynsien ya sñiaw para bru yow e laad ya kini ki karkhana wow pynbiang ki ya ki kot ki sla.

Share this:
Previous

I chim tika pyntlot i ya u khñiang COVID-19: Dr. Arwin Khonglah

Next

Pynman ka seiñ Khooid Myntdu ya i thung tre-dieñ ha Pynthorneiñ ka Wah Myntdu