Jowai: Ka KSU Jaintia Hills District Unit da maham ko wa kam ka seiñ da man ko kawa da pynkhreh lada ka sorkar MUA-II hapoh i yahkhmat u Dr. Mukul Sangma u lehbor ko wow chna ya ka luti rel kat wympu pyllait ya ki dkhot ka KSU.
“I man i kiwa da khreh wow mih chakhmat wow yakhun pyrchah ya ka sorkar lada ka sorkar thombor ko wow chna ya kani luti rel wei lada ym pyllait ya kiwa yahkhmat ka seiñ. Neiliang yong i dang yang i ya i rai yong ka seiñbei wei i da man i kiwa da pynkhreh wow yaleh” da ong u President ka KSU u Ohibait Dkhar.
Neiliang ka KSU Jaiñtia Hill leh da ebor e mynsien ko ya ki para dkhot kiwa em hapoh patok katni kamjooh ya kiwa hayung hasem yong ki.
“I ymtoh ki bru wa sih wei lada chong ha patok leh toh du wow pynpyngngad ya i jabieñ” da ong ka seiñ.
Kamtæ da pynbna ko cha waroh ki Circle wa ki Unit wow man ki kiwa da pynkhreh katwa dang yang yei rai ka KSU seiñbei.
Da ong chooh chooh “Ka sorkar toh u kitkhlieh ko wei da toh u pyrkhat ko wow yada ya ki tre ri ym wow kdung wow kdup ya ki baar jylla”.
Discussion about this post