theme-sticky-logo-alt
theme-logo-alt
Advertisement ad1
Advertisement ad1

I-Day Cup U-17: Psiah Semi ka Lumpariat, Luti Tuber, Mookyrdup waka Sailung

Advertisement ad1

Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa 20 deiwa pyndep syndon ya ki soo tylli ki yalehke Quarter Final.

Ha ka Quarter Final wa nyngkong, ka Lumpariat da jop ko ya ka da Dulong da 3-0 lyngba ki kool wa thap da u Pynskhem Dkhar ha ka minit wa 3 wa u Damehi Dkhar ha ka minit wa 18 wa 54.

Advertisement ad1

Ha ka Quarter Final wa ar, ka Mookyrdup da jop ko ya ka Dongmihsngi da 2-1. Ya ka Mookyrdup da thap kool da u August Surong ha ka minit wa 12 wa 41 katwa ya ka Dongmihsngi da thap da u Yowmiki Chadong ha ka minit wa 27.

Ha ka Quarter Final wa le, ka Luti Tuber Ialong da jop ko ya ka Saindur Mihmyntdu da 3-0 da ki kool wa thap u Kordor Dhar ha ka minit wa 12, u Richard Dhar ha ka minit wa 15 wa u Iohbhah Dhar ha ka minit wa 60+1.

Ha ka Quarter Final wa soo, ka Sailung Ialong da jop ko ya ka Mulang Ialong da 3-1 deiwa yachut Tie-Breaker hadien wa ka yalehke da kut ko da 0-0 hadooh wa kut i por.

Kamtæ ki yakhun Semi Final daw pynman ha kani ka 13 tarik haprdi ka Lumpariat waka Luti Tuber Ialong heipor 1:30 i sngi wei daw pynbood da ka Mookyrdup waka Sailung Ialong heipor 3:30.

Share this:
Previous

Maham yakhih kiwa chet MDM wa kyntait ka sorkar wow pynku wot du T. 3000 chi bnai

Next

Shillong Premier League 2021-22: Ym ye ka Langsning u pynrem ya ka Mawkhar