August 11, 2022
Advertisement
Ka Langsning FC da pynsepai ko yei laad wow ku noh chei nyngkong ha ka Shillong Premier League 2021-22 kam kawa boon Point dooh tangwa da chah ksoh ko da 1-1 ha ka Mawkhar SC (kawa em cha tre dooh) ha ka yalehke wa 35 ha Third Ground, Polo, Shillong ynne ka sngi.
Ka Langsning da dep jop ko ya ka Mawkhar da 3-1 ha ka 27 tarik u Naiynñiaw.
Advertisement
Ynne waroh ar tylli ki kool da thap deiwa chut Penalty, nyngkong da u Shano Tariang ha ka minit wa 33 ya ka Langsning katwa ya ka Mawkhar da thap da u Lyngketlut Myrchiang ha ka minit wa 69. Ka Mawkhar da dep ko leh wow pyn ya drawn ya ka Rangdajied United FC wa ka Mawlai SC.
Ka yalehke mynstep u man ko hapyrdi ka Malki SC (4 Point) waka Mawlai SC (19 Point). Kini da dep yachem ki ha ka 9 tarik u Naiynñiaw heiwa ka Mawlai da jop ko da 4-0.
