Ka seiñ JNC Western Zone hei yahkhmat u Hamehi Bamon kam u President chirup wa kiwi kiwa yahkhmat da lai yachem ki wa u Assistant Commissioner ka West Jaiñtia Hills neidaw wa ya tyngkhooh tarik ka Exam wa da khut pynman ka MPSC wa ka DSC ha ka 6 tarik u Naikhynde wei da tyngkhooh tarik biang ha ka 13 tarik u Naikhynde wa pynman Exam da ka DSC wa ka MPSC hi haka jooh biang ka sngi.
Ka seiñ da ong ko wa ini da ktah ko ya ki paradoh prasnaam yong i khamtam ha kini ki por wa dooh khih dooh khan wei i kmen wow yoh laad u yaleh Exam MPSC wa DSC da man pathan i i dooh nong wa khroo neidaw wa hap jied kawi donhi, kamtæ neiliang ka seiñ da ong ko wym sñiaw yahaap neibhah da man ko i dooh nong wei ym em de man ko kawa khooid wei da suba wa em iyi ræ iyi cha kylla.
Neiliang ka seiñ da e ko leh dei thoh ha u Assistant Commissioner yow e cha u DC ka District.
U Assistant Commissioner da ong u wa oo leh sñiawthooh hi u yeini i eh wa da maad ki paidbah manda jia kamni wei da ong u wa daw pynsñiawthooh u ha u DC lada ye u kyrriah tarik.
Discussion about this post