I e yarap poisa ka Ministry of Tribal Affairs ya ki seiñ kiwa kreh neibynta ki ST

Khliehriat: U Deputy Commissioner ka East  Jaiñtia Hills District, Khliehriat da pyntip u wa kawi na ki Scheme wa da pynkreh da ka Ministry of Tribal Affairs yong ka sorkar pyrdi toh ka ‘Grant in Aid to Voluntary Organization Working for Welfare of Scheduled Tribes’ namo ka e yarap poisa cha ki seiñ kiwa kreh neibynta ki Schedule Tribe(ST) kam hei puræ puthi, i chait i khiah, um dih, ki kaam rep, wa kiwi kiwi. Ki kiwon kiwon ki kaam kiwa yarap ya ki jaitbru ri-loom ye ki wow yoh myntoi na ka.

Kamtæ da khut ya ki seiñ kam ki Voluntary Organization (VO)/ Non-Governmental Organization (NGO) wow yoh yarap ki na kani ka Scheme.

Ki seiñ wa ye u yoh yarap na kani ka scheme toh u man ki kamni hawah:

1. Ka seiñ kawa da dep tipmit namo registered Organisation kawa da kreh la 3 snem tam.
2. Ki thaw (Institution) mo ki seiñ wa da chna da ka sorkar kam ki Autonomous Bodies da ka hukum sorkar namo kawa da tipmit hapoh ka Societies Registration Act, 1860.
3. Ka Public Trust wa da tipmit da ki aiñ wei kawa da tipmit la 3 snem tam.

Ki kyndon wow bood hawa jied ya kini ki seiñ:

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

1. Toh u kreh ki ym duna ya 3 snem ha kani ka kaam.
2. Toh u man ko kawa da chemphang wow kreh ha kani ka kaam.
3. I thaw wow pynkreh ya ka project wa da tyrwa toh u man ko ha ki thaw wa sah ki jaitbru ri-loom. Daw e yarap chwa ya kiwa kreh neibynta ki Primitive Tribal Group namo ki thaw wa chah ktah ha ki Naxal, kiwa man nongkyndong, wa sahdien wa kiwi kiwi.
4. I rukom biang i rukom pynlai wa i em poisa ki wow ye u kreh hanlada ym tikna namo thut I poi poisa na ka Ministry.
5. Kiwa biang i akor wa kiwa biang i rukom krehkaam.
6. I krehkaam wa kiwi ki chnat wow pyntikna wa da pynemkaam pura ya i yarap.

I rukom thap pyrtuid wow yoh yarap (Procedure for Submission of Application):

1. Toh u bood ki ya ki kyndon wa da booh da ka Ministry neibynta kani ka project.
2. Ya ka application toh u phah cha ka Tribal Welfare Department (namo ki chnat kiwa kreh neibynta ki jaitbru ri-loom ha ki jylla).
3. Ym pdiang ya ki application wa da phah bait cha ka Ministry of Tribal Affairs wei ya ka application toh u phah da ka sorkar jylla.
4. Ym pdiang ya ki application wa da phah cha ka Ministry khlem da bood ya ki kyndon.