U heh ka National People’s Party (NPP) uwa man leh u Montri ha ka jylla, u Rakkam A Sangma da ong u wa i emlang wa ka Party wa synchaar ya ka jylla wanrah i chiboon i myntoi.
Da ong u wa i em ha ka Liang Pyrchah wanrah i chiboon i eh khamtam hei wow wanrah ya ki kaam pynroi ha ki Constituency.
U Rakkam da kdaw u ha ki san snem wa da lai heiwa ka Constituency yong oo da myntoi bha ko na ki kaam pynroi kiwa kynjoh ₹400 klur kiwa kynthup ya ki Scheme kam ka PMGSY, RIDA, CRAF, ki madan Artificial Turf wa kiwi kiwi.
Da ong u leh wa i em ha ka sorkar da ye u wanrah ya kiwa boon ki kaam khamtam u sarok na Shillong-Baghmara iwa pynsmat yei lai du kamwa san kynta tam.
Chooh chooh da ong u wa kini ki kreh toh katkam wa emkaam ki paidbah wei boonsien hi ki paidbah ood ki lada ym em ki kaam pynroi.
U Rakkam da kdaw u leh wa ki MLA na ka Liang Pyrchah boonsien ymtoh wanrah ki yei tyrwa ha ka sorkar iwa pynduna ya ki kaam pynroi ha ki Constituency yong ki.
Discussion about this post