I hok wow lai skur mynkna kynthup i leh ya ki kot wa ki sula skur | Phah ka HC ya ka skur wow pynbiang

Ka Gauhati High Court da ong ko wa i hok wow yoh u puræ mynkna kynthup i leh ya ki kot wa ki sula skur. Ya kani ka hukum da pynmih da u Justice Kaushik Goswami hawa bichaar ya ka mukotduma ki arngut hapoh ka kyrdan Economically Weaker Section (EWS).

Kani ka mukotduma mih ko hadien wa ar ngut ki khynnah da yoh Admission ki katkam ka Section 12(1)(c) ka RTE Act ha i skur samen ha Guwahati tangwa da chah kyntait ki ha Class nadooh u Naitung (April).

Hanla kani ka skur ym em chim bai Admission Fees ko na ki, da emkaam won ya ka bei wow pa ki wow thied kot wa ki sula skur. Hadien wym ye ki wow su yeini, da lai ki cha ka High Court lyngba u muktiar, u Maharishi Sharma, chirup wa u Anuranan Agrawal wa u Debargha Roy na ka Project Saathi.

Ka Court da ong ko i lai skur mynkna (Free Education) hapoh ka Section 12(1)(c) ymtoh u pynlait du ya ka bai skur donhi heiwa da phah ya ka skur wow hikai ya kini ki khynnah dei mynkna chirup wa ki kot wa ki sula skur.

Related posts

U chongngiah noh ka kynthai wa nyngkong wa yah rel ha Asia

September 19, 2025

Chah siat yap u nong India ha ki pulit ka USA | Paan yarap ka yung wow wanrah yei metyap

September 19, 2025

Neidaw wa dooh Class ki khynnah da ki bnai da phah leh ya ka skur wow pynkhreh ya ki Class wa kyrpang ya ki khnang wow pyndap yeiwa da dooh ki. 

Chooh chooh kani ka hukum kdaw ko leh wa ki skur samen ki wym em yoh yarap kat nawa em, emkaam u e bhah ki 25% ya ki khynnah wa haap hapoh ka kyrdan EWS deiwa bood leh ya ka RTE Act.