Jowai: U montri ka kaam pohyung ka jylla, u Lahkmen Rymbui da ong u wa i jia ha khappood wa ka Bangladesh toh i wympoi pyrkhat wei i wympu jooh jia.
Yeini da jubab u yeiwa kylli u Wyrta hajrong i jia i wan psiah ki damok chapoh ki chnong wa em ha khappood iwa da wanrah yei chong syir ki paidbah ka thaaiñ ha ki tayaw wa dadep.
Hawa kylli lada em i tlot namo i duna na ki chipai ka BSF wow sonteri ya u pood ka ri, neiliang u Lahkmen da ong u wa ymye u ong iwon iwon hajrong ini neibhah wa man i kaamram yong ki wow sonteri ya u pood.
Da pyntip u leh wa da pynboon ya ki pulit ka jylla ha ki Police Outpost wa em ha khappood wow yada ya ki paidbah ki chnong ha khappood.
Heijooh i por da ong u leh wa ki pulit pynman ki yei uiñ sonteri (Patrolling) neipor cheipor ha kini ki thaw.
Da ong u leh wa em i duna ki pulit tangwa hanla kattæ leh ka sorkar u leh ko katwa ye wow wanrah biang yei chngaiñ mynsien ki bru.
Discussion about this post