U Montri Rangbah ka jylla, u Conrad K Sangma hawa kylli na oo ynne ka sngi yei wym em ka ktien kiwa na Ri Jaiñtia hapoh ka State Anthem, da jubab u yeini deiwa ong wa ka sorkar ye ko u leh du katkam ki kyndon ka aiñ wei da em ka pynbna sorkar wa em ka English kam ka Official Language neitæ ka Garo wa Khasi kam ki Associate Official Language.
Da ong u wa ha kani ka yurim da chim yei rai neibhah kam ka sorkar ym ye ko wow lai cha lait ki kyndon wa da em chwa.
Kamtæ da ong u wa lada lai cha baar yong ka aiñ lada thap lang sa kawi ka ktien daw hap leh wow thap lang ya waroh kiwi ki jait ktien wei lada ym e ya kawi won kammon won u ong ya kiwi ki wym yoh bhah. Wei deiwa pyrkhat yeini waroh da chim yei rai wa da chim.
Hawa kylli lada bien ka sorkar u pyrkhat biang deiwi yeini, u Conrad da jubab u deiwa ong wa chong ha u Montri ka chnat Arts & Culture wow pait iyi wa ye u u leh.
Discussion about this post