I jooh bait i jubab yoh u Nujorki yei dawa pynku kyrdan ya ka Laskein Block cha ka Sub-Division

U MLA ka Mowkaiaw, u Nujorki Sungoh ynne hapoh ka yung dorbar chna aiñ da kylli u heiyatoh wow chna ya ka Laskein Civil Sub-Division heiwa u Symbood Montri Rangbah, u Prestone Tynsong da e jubab u wa dang pait yeini.

Neiliang u Nujorki da ong u wa nadooh u 2018 da kylli u yeini heiwa da yoh u yei jooh bait i jubab wa dang pait yeini, kamtæ da kylli u kam kiyi kitæ wa dang pait yow ye u chna ya kani ka Sub-Division.

U Prestone hawa e yei jubab da ong u wa hawa pynmih thymme ya kawon kawon ka District næ ka Sub-Division daw hap wow pait bniah bha da ka sorkar neibhah wa embynta kiwa boon ki chnat sorkar.

Da pyntip u leh wa ha u 2021 da thoh cha ki chnat sorkar yow pynsñiaw ki heiyatoh wow chna ya ki Sub-Division wa thymme wei da em kiwa e jubab tangwa em won ki wym pu em e jubab.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Manda yoh ya waroh ki jubab daw em ka Committee ka wow khlieh da u Chief Secretary kawa daw phah won ya ka Report yow chim ka sorkar yei rai.

U Nujorki da ong u wa ka Laskein Block toh kawa da rim bha kawa da chna ha u snem 1973 wei em ko ym duna ya 1.75 lak ngut ki bru wei ki manyung da em ki palat ya 15,000 tylli wei heh ko palat 500 sq.km, kamtæ man ko kawa em hok wow man kam ka Sub-Division.