U Montri Rangbah ka jylla, u Conrad K Sangma da ong u wa ka Inner Line Permit (ILP) wei i tipmit ya ka ktien Khasi wa Garo hapoh ka 8th Schedule toh i kaamram yong ka sorkar India.
Hawa klam wa kiwa thoh khubor, da ong u wa sorkar jylla ym embor ko yeini i kaam, tangwa i kaamram wa toh u leh ko toh wow chimlang yei rai ya iwa dadep wow leh hapoh ka Yung Dorbar Chna Aiñ yow kyntu ya ka sorkar India wow kynthup ya ki ktien ka jylla hapoh ka 8th Schedule wei wow pynkrehkaam ya ka ILP.
Da ong u wa hadien wa ka sorkar jylla dadep ko wow chim rai wow kyrpaad, waroh kiwa yahkhmat nadooh ki MP, ki seiñ kamjooh ka sorkar jylla hap ki wow chim ya jar jiar i bynta yow pynbor ya ka sorkar pyrdi hajrong ini i kaam.
Da ong u wa neiliang ka sorkar jylla ka pyrchang ko katwa ye yow pynyoh yeini iwa da dawa deiwa booddien man-i-por.
Discussion about this post