Ka mukotduma wa yatoh wa i tih mooyong pyrchah ya ka aiñ hapoh ka jylla Meghalaya da chong bichaar biang ya ka ynnin ka sngi da ka Meghalaya High Court heiwa u Chief Secretary kamjooh u Director General of Police ka jylla da e jubab ki katkam ka hukum wa da pynmih ha ka 15 tarik hadien wa ka 13th Interim Report u Justice Katakey (Retired) da kdaw u yei wym em chimkhia ki bor District kamjooh ki pulit heiwa dang chem bait ya u mooyong wa dang dep tih thymme wa da noh pynhajan ka Shallang Police Station ha West Khasi Hills.
Ka yung bichaar da ong ko wa i rukom jubab u DGP toh kamwa hadien wa da dep u kule wow yut heiwa ka yung bichaar kwah ko wa ya u kule toh u kset sbak hapoh phylloh tangwa i rukom leh ki bor District kamjooh ki pulit toh deiwa wai ya ka dwar warr wei pait ki chawi hi kam ki wym em khmat.
Kamtæ da ong wa itu iwa da kdaw ha ka 13th Interim Report u Justice Katakey toh u lai pait da u Chief Secretary wa u DGP hi wei wow e jubab ki lyngba ka Affidavit kamjooh wow khana kammon u leh ki yow lait ini i jooh u jia biang.
Da phah leh ya ka sorkar jylla wow pyntikna wa ya u mooyong toh u dep u dai noh katkam i por wa da dep booh da u Justice Katakey wei u pteiñ u wow leh ya ini i kaam wa bha u wei ka sorkar hap ko wow su ya oo sa T. 5 lak khlem pynslem.
Ya kani ka mukotduma u chong bichaar biang ha ka 03-07-23.
Puræ leh: Hadien wym tieñ de kiwa tih mooyong pyrchah aiñ, paan jubab ka HC na u CS wa DGP
