15 49.0138 8.38624 1 0 4000 1 https://wyrta.com 300 0
Advertisement ad1

I khang baam doh masi chong ha ki aiñ ki sorkar jylla: Vice President ka BJP

0 Comments

Shillong:  U Vice President ka BJP u Avinash Rai Khanna da ong u wa i khang wow dai wei baam doh masi toh i rai yong ki sorkar jylla wei da ong u yeini heipor wan hiar kjat u cha ka jylla Meghalaya wei da ong u leh wa “I kaam wow pait ya i suk i saiñ, ka aiñ ka kanun, ha ka jylla, toh i kaam yong ka sorkar jylla”.

“I khang baam doh masi chong ha ki aiñ ki sorkar jylla” da ong u Khanna. Ini da jubab u hadien wa mih ka khubor wa ka sorkar BJP ha Uttar Pradesh wa ha kiwi ki jylla wa synchaar ka BJP daw khang noh yei baam doh masi.

I khang baam doh masi, khlem pep daw ktah bha ko ya ka BJP ha ka jylla Meghalaya kawa tip kam ka jylla wa baam doh masi wa kiwi de ki jait doh.

Heijooh i por leh da ong u wa ka BJP daw yoh ko u chna sorkar ha kani ka jylla ha u snem wow wan neibhah ki paidbah ka ngiah ki yei synchaar ka Congrees wa joor i baamtooh ko.

“Ka sorkar Meghalaya wa synchaar ka Congress toh kawa baamtooh, ki paidbah daw jied ki ya ka BJP ha ka election wow wan wei kiwa kreh ka BJP da rai yumut wow pynjop ya ka BJP” da ong u Khanna.

Hei yatoh wei krehlang wa kiwi ki seiñ saiñ pyrthai khamtam wa ki seiñ ka jylla, da ong u wa manda poi i por daw klam chaphang ini.

Ha chwa ini, u Khanna da klam u ha ka yalang yong kiwa kreh ka BJP heiwa da kyntu u ya ki wow kreh chitom wow pynbna paidbah ya ki phang wa krehkaam ka sorkar u Narendra Modi kiwa da pynkrehkaam nei bynta ki paidbah.

“Yow jop ya ka Election MLA 2018 wa MP 2019, i toh u lai  pynche cha ki paidbah chadooh kiwa em cha kdong dooh ya waroh ki scheme sorkar wa ka sorkar pyrdi da pynkrehaam ko yow yoh myntoi kiwa dooh wa duk”, da ong u Khanna.

Heijooh i por, da pynsñiaw u yei sñiawkmen yong oo wa da yoh u wan yooh kjat ha ka ri u Tirot Singh uwa yaleh pyrchah ya ka sorkar phareng.

Advertisement ad1

0 Comments

Leave a Reply