I khwan samen kiwa em heibor wow khih mooyong da pynbud naam ko ya jylla ha khmat ka pyrthai: CLP

Jowai: Ka Meghalaya Congress Legislature Party (CLP) ynne ka sngi da pynman ko da ka Emergency Meeting heiyatoh wa i tih mooyong pyrchah aiñ hapoh ka jylla Meghalaya neidaw da tip lut ka pyrthai iwa katkam ka CLP da dai sarom ko ya ka jylla wa ya ka ri waroh kawi.

Ka CLP da klam ko leh ya ka daiñ kuna ka NGT da T. 100 Klur ya ka sorkar jylla wei da kylli kiyi wow su ya ini wei katwon wow ktah ko ya ka jylla wei da jia ini waroh du nei khwan samen iwa ymye u pdiang.

Ka CLP da ong ko leh wa ini toh i khwan chawa palat pood yong ki bru wa em hei bor wei waroh ki naam wa bha ka jylla kiwa da yaleh wow chna da boon snem da sepai lut ki.

Chooh chooh da ong wa ym em pynkylla Politics ko ya kani ka kaam tangwa kam kiwa mihkhmat i kaam yong ki toh wow yada ya ki paidbah wa iwa emkaam ki wei ini wa jia waroh man ko pyrchah yeiwa kwah ki paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da beiñ joor leh yeiwa pynbna ka sorkar ya ka dorbar wa kyrpang kawa chi sngi donhi heiwa ka liang pyrchah da pynkhreh ko yow wanrah ya ini waroh tangwa ym yoh laad neidaw wa duna i por.

Ka CLP da pynbaad ko leh wa ka sorkar da pynemkaam bakla ko ya ki sahep yow e laad wow tih mooyong pyrchah ya ka aiñ.

Da kdaw ki leh ya kawi ka Documentary Film heiwa da em wa sdang ya kawi ka skur miet nadooh u snem 2013-14, deiwa yarap yong chnong wei da sdang ki khynnah wow wan cha kani ka skur. Tangwa katkam wa pyntip kiwa sikai kani ka skur ki khynnah da sdang ki wow dam skur nadooh wa sdang biang ka khih mooyong.

Ka CLP da ong ko boi wa da sñiawthooh bakla kini ki khynnah yei kular ka BJP waka NPP wow wai biang ya i khih mooyong hapoh 6 bnai.