U Chief Executive Member ka Jaiñtia Hills Autonomous District Council,u Thombor Shiwat da ong u wa i klam Deputy Commissioner ka West Karbi Anglong man i kamwa e diñ wow kam wa ka Khaduli hap ko hapoh u pood u ang ka Assam.
Kam wow kdaw heini hadien wa mih i awri nei tympra kiwa chong chnong ka Khaduli ya ka Signboard yong ka KAAC, neiliang ka DC ka West Karbi Anglong, ka Krishna Baruah da kam ko wa ka Khanduli ka dang hap ko hapoh u pood ka Assam. Ini i klam kani ka DC toh hadien ka yalang wa khut da u Deputy Commissioner ka West Jaiñtia Hills ha ka 19 tarik uni u bnai,hadien wa mih i awri.
Hawa klam wa kiwa pathai khubor ha Shillong, u CEM da ong u wa i khut u DC ka West Jaintia Hills, u BS Sohliya toh wow pynneh pynsah ya i chongsuk ha khappood, tangwa i kam ka Krishna man i kamwa e diñ ya ka chnong Khanduli.
Da ong u wa neiliang ka JHADC, da pynskem ko wa ka chnong Khaduli dang hap ko hapoh ka jylla Meghalaya wei hapoh i pait ka JHADC.
