Ynne ka sngi, u Montri Rangbah ka jylla, u Conrad Sangma heipor wa pynche u hajrong i klam u Montri warim ka sorkar uwa man leh u MLA ka BJP, u A.L. Hek uwa da ong wa ki pulit da pynemkaam ki ya ki buit Taliban namo “Taliban Tactics” hajrong i chah siat yap u General Secretary warim ka Hynniewtrep National Liberation Council (HNLC), u Cherishsterfield Thangkhiew, neiliang u Conrad da ong u wa ini i klam u Hek da man i iwa yoo wyrai.
Neiliang u Conrad da pynrap u deiwa ong wa ini i klam u Hek ye i u man toh hadien wa chah pyndooh chuki noh u kam u Montri ka sorkar jylla deiwa yoh noh da u para MLA BJP u Sanbor Shullai.
Chooh chooh da kyntu u ya u Hek wow kreh deiwa em i bahkhlieh kam u bru waheh ha ka imlang sahlang.
Neiliang u Conrad da pynrap u leh deiwa ong wa u Hek katni da man u kam uwa e buit u Montri Rangbah wei emkaam wow chimkhia u ya ini i kyrdan yong oo.
