U MLA ka Liang Pyrchah na Nongkrem uwa man u President ka Voice of the People Party (VPP), u Ardent M Basaiawmoit da kylli u na ka sorkar hajrong i maham ka Karbi Students’ Association (KSA) wa daw mih ka ya kajia kamwa jia ha Manipur lada ki dooh ki yei thaw yong ki.
U Ardent da kylli u wa iyi u leh ka sorkar hadien wa da yoo yeini wa da klam uni u bru wei lada da yaklam wa ki bor sorkar na Assam yow pyntikna wa i suk i saaiñ u neh ha khappood.
Hawa wanrah ya ka mat yatai lyngba ka ‘Zero Hour’, u MLA ka Liang Pyrshah da ong u wa ini i rukom klam yong ka KSA man ko kamwa e diñ wow ya kynaad wei pynrap u wa ini i rukom klam uwa yahkhmat ka KSA ye ko wow wanrah yei chah ktah i suk i saaiñ ha khappood ka Assam wa Meghalaya, heiwa da kdaw u leh ya ki kyndon aiñ kiwa ye wow pynchitom hawa pynmih ya ki kyntien wa pynchit.
Hawa jubab hajrong kani ka phang, u Montri Rangbah ka jylla, u Conrad K Sangma da ong u wa ya ini i klam yong uni uwa yahkhmat ka KSA wot u Montri yong ka sorkar Assam uwa man leh u Chairman ka Regional Committee, u Pijush Hazarika ym yahaap u.
U Conrad da ong chooh chooh u wa ya katni da pynjoor yei sonteri ha ka thaaiñ khappood em ha Khanduli wei da pynkhlan leh yei uiñ sonteri ki pulit ha ka thaaiñ yow yada na iwon iwon i tyngkheiñ aiñ iwa daw ktah yei chongsuk chongsaaiñ.
Da ong u leh wa ha i wan yong u Montri Rangbah ka Assam wa u CEM ka Karbi Anglong Autonomous Council cha Shillong ini wa dep, da yoh wow ya syllok hajrong kani ka phang heiwa daw rah won ha ka yaklam pynbait pood kawa daw pynman ha u Naichiphaw wow wan yow rai kammon wow lai chakhmat wei hadien ini daw lai yachem leh ya ki paidbah ha ka thaaiñ khappood.
Discussion about this post