I kyrriah kreh ya ki sahep toh kamwa leh nachwa wow tip ki yei rukom kreh cha kiwi ki thaw: Tynsong

Shillong: U Symbood Montri Rangbah ka jylla, u Prestone Tynsong da ong u wa ka sorkar ympu yoh ko iwon iwon i ujor na uwa ektien ka Congress, u Himalaya M Shangpliang wa ka sorkar MDA da kyrriah kreh ko ya u SC Laloo (ADM) ka WJH du neidaw wym ngait u yeiwa phah u montri ka sorkar ya oo.

Hawa yaklam ynne ka sngi, u Prestone da ong u wa ini i jia dang yoh yutip u ki tangwa lyngba i ujor da u uwa e ktien ka Congress ha ki laad pathai khubor, ka sorkar ka sorkar ym pu em yoh ko iyi i leh i ujor na u Shangplaing.

Da ong u wa lada uni u sahep sñiawthooh u wa da chah klam khor u toh u lai u katkam ki kyndon ka aiñ neibhah lada chah leh u palat ya ki kyndon kreh namo ki Service Rule.

Da pynrap u deiwa ong wa ym ye u leh iwon iwon kat wympu yoh ya ka ujor wei da ong u “ymye u ngait yeiwa da pynbaad hi-eh”.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Heiyatoh wa i pynbaad u Shangpliang wa ka sorkar ha kini ki ynru bnai wa dadep da pynjoor ko yei kyrriah kreh ya ki sahep sorkar, da jubab u deiwa ong, “Nga kwah O wa uwa e ktien ka Congress u khana u yei pyrtuid kitæ ki sahep wei katwon ngut em kam kitæ.”

U Tynsong da jubab u deiwa kylli wa ha ki ynru bnai wa dadep katwon ngut ki sahep da chah kyrriah wei katwon ngut wa da mih na ka jylla heipor wa synchaar ka Congress ha ki snem wa dadep.

U Tynsong da ong u wa i kyrriah kreh ya kiwon kiwon ki sahep toh katkam i emkaam ka sorkar kamwa leh man ki por wei wow tip yei rukom kreh cha kiwi ki thaw.