Ka Shillong Lajong da yoh ko yei jop da ki ar kool u Ronney Wilson ha ka yalehke ka I-League 2024-25 yow jop ya ka Namdhari FC 3-2 wa da pynman ynne i miet ha SSA Stadium, Shillong.
Ka Lajong da thap nyngkong ko lyngba u Figo Syndai yow pynkut yei jop ka Namdhari la khynde sien khlem sangeh. Ka Namdhari da thap ko ar sien lyngba u Francis Addo wei ini da man ko kam wow su kylliang yeiwa da rem ka Lajong da 5-2 ha Namdhari ha kani ka smoi.
Ka Namdhari FC toh kawa da em hei wa ar hei boon Point, wei da rem ko du ar sien wei chwa ynne ka sngi iwa khaddooh da rem ko ha ka Dempo SC ha ka 3 tarik u December 2024.
Da ini i jop, ka Lajong da ku ko chei wa ynru deiwa yoh 19 Point na ki 13 tylli ki yalehke. Katwa ka Namdhari da neh ko hei wa ar deiwa yoh 24 Point na ki 13 tylli ki yalehke hadien ka Churchill Brothers.
Ka Lajong kattu daw yachem ko waka Sreenidi Deccan FC ha kani ka 14 tarik heipor 7:00 waje i miet ha SSA Stadium, Polo.
Discussion about this post