Kamwa da leh ha ki snem wa da dep, u Prime Minister, Narendra Modi da lehkmen u ya ka Diwali deilang wa ki chiphai ha uni u slem leh deiwa lai wow ya emlang wa ki chiphai ha Nowshera District, J&K ynne ka sngi.
Hawa e yei klam, u Prime Minister da ong u wa i lehkmen Diwali wa ki chipai man ko kamwa lehkmen wa kiwa hayung hasem yong oo wei na ini i daw da lehkmen u ya waroh ki Diwali wa ki chipai wa em cha khappood. Da ong u leh wym em wan u samen tangwa deilang wa ki e khublei na ki 130 klur ngut ki nong India.
Da ong u leh wa ynne ka sngi uwi pa uwi u nong India daw thang ki iwi i ‘Diya’ yow e mynsien ya ki chipai wa chlur ka ri deiwa ong wa i laad wow yada ya ka ri ym toh iwa yoh laad kiwa boon wow leh.
Da khana u wa 65% ka poisa wa da mang neibynta ri toh kawa pynemkaam pyn hapoh ka ri lyngba ka Aatmnirbharta deiwa pynmih 200 tylli ki jait tiar wei daw pynboon chooh yeini.
