I metyap wa chem deilang wa Passport yong uwa na Bangladesh toh u bru wa yajan bha wa ka Sheikh Hasina

I metyap wa chem na iwi i bri kwai ha thaaiñ Dona Bhoi, East Jaiñtia Hills ha ka 26 tarik uni u bnai iwa da rap pyut, heiwa neiliang ki pulit da pyntip ki leh wa nei metayap da chem ya ka Passport u Ishaque Ali Khan Panna wei da kit noh cha Civil Hospital Khliehriat yow pyndep ya ka Post-Mortem.

Ini i thaw wa chem yei metyap toh iwa jngai kamwa 1.5 Km na u pood wa ka Bangladesh heiwa ya ka khubor wa u Panna da khlaad u heipor wa psiah u cha India lyngba ka thaaiñ Tamabil da mih ko napoh ka ri Bangladesh ha kani ka tayaaw hi heiwa da ong wa da yap u hadien wa oor u heipor wa ku loom wei da yoh Heart Attack u.

ADVERTISEMENT

Ka khubor na Bangladesh da ong ko wa u Panna da yut u cha India ha ka 23 tarik uni u bnai.

Chwa wow chem yei metyap, neiliang ka BSF Meghalaya da kyntait ko wa u Pannai uwa man kam uwi na kiwa yahkhmat ka Awami League uwa yajana bha wa ka Sheikh Hasina kawa man kam ka Prime Minister warim ka Bangladesh kawa da hiar chuki noh hadien wa joor ka yakhih wa da yoh u wow psiah cha India lyngba ka thaaiñ Tamabil.

Related posts

Sdang ka Municipal yei kynreh ya ki Plastic wa da khang wow pynemkaam

July 15, 2025

Phah ka sorkar ya kiwa kamai kari wow booh da ka ID chaphang yong ki hapoh kari

July 15, 2025

Ki BSF da ong ki wa kani ka khubor wa mih toh ka khubor thok neibhah ym em wa yoh u psiah wot na ki thaaiñ Sylhet chapoh India wei ka BSF ym em kti ko hei yap uni u bru.