U Montri Rangbah ka jylla, u Conrad K Sangma hawa e yei jubab hapoh ka yung dorbar ynne ka sngi, da pyntip u wa dadep thung 99,78,352 ki tre dieñ nadooh u 2020 hadooh u Naiynru 2024 wei na kini kiwa im toh 73,76,735 tylli.
U Conrad da pyntip u leh wa da pynlut kamwa Rs. 100 klur ha ki san snem yow leh yeini.
Da ong u leh wa i neh wei im 75% na ki dieñ wa thung toh iwa biang hi wei i daw won wa em ki dieñ ki wym em u yoh u heh u san toh nei wym miat symbe, i wym yahaap i khyndaw, i iñ khloo, i chah baam ha ki mrad wa kiwi ki daw wei kam ka sorkar kwah hi ko wa 100% ki dieñ wa thung u yoh ki u heh u san wei yeini daw ye u leh deiwa ya krehlang ka imlang sahlang.
Da pyntip u leh wa hapoh ka chnat Forest da thung kamwa 26,78,413 tylli ki tre dieñ, hapoh ka chnat Soil & Water Conservation dadep thung kamwa 32,61,496 tylli wa hapoh ka MBDA wa MBMA dadep thung 40,38,433 tylli.
Discussion about this post